PHP сопствени функции

Функциите на PHP се слични на другите програмски јазици. Функција е дел од кодот што прави одредена обработка и враќа вредност.

Во PHP програмскиот јазик има многу готови функции, но PHP ви дава можност да креирате и свои функции.

Постојат два дела при креирање на сопствени функции

     - Создавање на PHP функција

     - Повикување на PHP функција

Создавање на PHP функција

Многу е лесно да креирате своја сопствена PHP функција. Да претпоставиме дека сакате да креирате PHP функција што едноставно ќе напише едноставна порака на вашиот прелистувач кога ќе ја повикате. Следниот пример создава функција наречена pozdrav() и потоа ја повикува веднаш откако ќе ја креирате.

Пример 1

<html>
   
   <head>
      <title>Pisuvanje na PHP Funkcija</title>
   </head>
 
   <body>
      
      <?php
         /* sozdavanje PHP Funkcija */
         function pozdrav() {
            echo "Pozdrav do site!";
         }
         
         /* Povikuvanje na PHP Funkcija */
         pozdrav();
      ?>
      
   </body>
</html> 

Забележете дека додека креирате функција, нејзиното име треба да започне со  резервираниот збор function и целиот PHP-код треба да се стави во загради { } како што е прикажано на примерот горе.

PHP  функции со параметри

PHP ви дава опција да ги пренесете вашите параметри во функцијата. Може да и дадете на функцијата колку што сакате параметри. Овие параметри работат како променливи во вашата функција. Следниот пример има два параметра цел број, ги собира и го печати резултатот.

Пример 2

<html>
   
   <head>
      <title>PHP Funkcija so Parametri</title>
   </head>
   
   <body>
   
      <?php
         function soberi($br1, $br2) {
            $sum = $br1 + $br2;
            echo "Zbirot na dvata broja e  : $sum";
         }
         
         soberi(10, 20);
      ?>
      
   </body>
</html>
PHP  функции со параметри/аргументите по референца
Можно е да се пренесат аргументите / параметрите на функциите по референца.
 

Било какви промени направени во аргументот / параметарот во овие случаи ќе ја променат вредноста на оригиналната променлива. Може да дадете на функцијата аргумент по референца додавајќи амперсанд (&) на името на променливата или во повикот на функцијата или во дефиницијата на функцијата.

Пример 3

<html>
   
   <head>
      <title>Predavanje na parametar/argument na funkcijata po referenca</title>
   </head>
   
   <body>
      
      <?php
         function dodaj5($br) {
            $br += 5;
         }
         
         function dodaj6(&$br) {
            $br += 6;
         }
         
         $poceten = 10;
         dodaj5( $poceten );
         
         echo "Vrednosta e $poceten<br />";
         
         dodaj6($poceten);
         echo "Vrednosta e $poceten<br />";
      ?>
      
   </body>
</html>

PHP функции што ја враќаат вредноста

Функција може да врати вредност користејќи ја наредбата за враќање return . Враќањето го запира извршувањето на функцијата и ја испраќа вредноста назад до повикувачкиот код.

Можете да вратите повеќе од една вредност од функција користејќи низа return array(1,2,3,4).

Во следниот пример на функцијата и се дава два параметра цели броеви и функцијата ги собира и потоа ја враќа нивната сума во кодот каде е  повикана. Забележете дека клучниот збор return се користи за враќање на вредност од функција.

Пример 4

<html>
   
   <head>
      <title>PHP Funkcija koja vraca vrednost</title>
   </head>
   
   <body>
   
      <?php
         function soberi($br1, $br2) {
            $sum = $br1 + $br2;
            return $sum;
         }
         $vraten_zbir = soberi(10, 20);
         
         echo "Vratena vrednost od funkcijata : $vraten_zbir";
      ?>
      
   </body>
</html>

Поставување на default вредности за параметрите на функциите

Може да поставите параметар да има default вредност ако  функцијата не  добие вредност за параметарот кој го користи.

Следните функции прикажуваат NULL во случај кога не им се пренесува никаква вредност на параметрите кои ги користат.

<html>
   
   <head>
      <title>PHP Funkcija </title>
   </head>
   
   <body>
      
      <?php
         function pecati($param = NULL) {
            print $param; 
         }
         
         pecati("Ova e proba");
         pecati(); // $param nema vrednost pri povikuvanjeto na funkcijata
      ?>
      
   </body>
</html>